Boluntariotzari buruzko oinarrizko Kontzeptuak
Aurkibidea
- Zer da boluntariotza?
- Zer ez da boluntariotza?
- Interes orokorreko jarduerak
- Jarduera-printzipioak
- Boluntariotzaren organizazioak
1. Zer da BOLUNTARIOTZA?
Pertsona fisikoek aurrera eramaten dituzten interes orokorreko ekimenen multzoa da boluntariotza, ekimen horiek honako baldintza hauek betetzen badituzte:
- Norberaren probetxurako ezer lortzeko asmorik gabekoak izatea eta elkartasunak bultzatuak izatea.
- Borondatezkoak eta askatasun osoz eginak izatea; arrazoia lan-, funtzionariotza-, edo merkataritza-harremana ez izatea, ez eta obligazio pertsonala edo betebehar juridikoa ere.
- Irabazi-asmorik ez duten erakundeen bidez eta programa edo egitasmo zehatzei jarraiki eginak izatea.
- Ordainsaririk gabeak izatea.
- Ordaindutako zerbitzu profesionalak inolaz ere ez ordezkatzea.
2. Zer ez da BOLUNTARIOTZA?
- Erakundeetatik kanpo une jakin batean edo noizean behin familia-kontuengatik, adiskidetasunagatik, on egiteagatik edo auzoko bizikidetasun onak bultzatuta egindako borondatezko ekintzak.
- Ordezko zerbitzu sozial gisa egindakoa ere ez da inola ere borondatezko ekintzatzat joko.
3. Interes orokorreko ekimenak
Gizartearen edo pertsonaren onerako konpromisoa dutenak, lan egiteko esparrua edozein izanda ere: gizartea, komunitatea, hiria, kultura, garapena, ingurumenaren babesa edo antzekoa.
4. Jarduera-printzipioak
Zenbait esparrutako boluntariotzako ekimenek balore hauek izango dituzte oinarrian: elkartasuna, partaidetza, doakotasuna, autonomia aginte publikoen aurrean, bereizkeriarik eza, aniztasuna, integrazioa, prebentzioa, gizartearen sentsibilizazioa eta, oro har, gizarte demokratiko, moderno eta parte-hartzaile, zuzen eta berdintasunezko batean elkarbizitza erratzen duten baloreak.
5. Boluntarioen erakundeak
Zenbait esparrutako boluntariotzako ekimenek balore hauek izango dituzte oinarrian: elkartasuna, partaidetza, doakotasuna, autonomia aginte publikoen aurrean, bereizkeriarik eza, aniztasuna, integrazioa, prebentzioa, gizartearen sentsibilizazioa eta, oro har, gizarte demokratiko, moderno eta parte-hartzaile, zuzen eta berdintasunezko batean elkarbizitza erratzen duten baloreak
