GURASO-ESKOLA          18. SAIOA

• Hezkuntza-jarrera komenigarrienetan sakontzea, seme-alaben portaera hobetzeko.

• Orientabide praktiko batzuk zehaztea sariak eta zigorrak hezkuntza-asmoz erabili ahal izateko.

1.- Aurreko eguneko "etxerako lana" egiteko izan dituzten zailtasunei buruz hitz egin eta bertan daudenetako bati honakoa eskatu: azken orrialdean zeuden "Seme-alaba..." esaldiei egindako oharretako bat irakurtzea, edo bere seme-alabek idatziko lioketen gutuna irakurtzea.

( Denbora : 30’)

2.- "Famili Araudia" dokumentua eman, banaka irakurri, eta ondoren, taldeka, honako galdera honi erantzun diezaioten eskatu: Zer esango zenieke guraso horiei?

( Denbora : 30’ )

4.- Taldean azaltzea eta begiralearen ekarpenak

( Denbora : 30’ )

3.- Bateratze-lana

( Denbora : 30’ )

• "Relaciones Familiares"- "Padres y Maestros" aldizkariak argitaratutako monografikoa- Ediciones Paulinas- 1.982

• "Los límites en la educación de niños y adolescentes: una necesidad para el aprendizaje y la socialización" – Miguel Costa – 1.998

FAMILI ARAUDIA - Elkarbizitza-arauak

Galiziako hiri batean, nire lagun batzuk, erosi nahi zuten etxebizitza bat bisitatzen ari ziren. Txoko batean, lurrean erorita, paretan zintzilik egon zela nabari zitzaion plastiko usatu bat aurkitu zuten, eta barruan orrialde bat. Orrialde hartan idatzita zegoena jaso dugu hemen; protagonisten izenak eta abizenak aldatu ditugu ordea.

ETXEA: ALONDREZ/TINEDO – ELKARBIZITZARAKO ARAUAK

1. Goizeko 7etan jaikitzea. Garbitu, ohea egin, gosaldu eta aurreko gauean prest utzitako liburuak hartu.

2. Eskolatik irteterakoan, etxera itzuli zuzenean, Antoñita eskutik helduta igaroko dituzue gurutzabide guztiak.

3. Egunero, nesketako batek ipiniko du mahaia, gero bildu egingo du eta erratza pasatuko du.

4. Eskolatik iristerakoan, beste ezer baino lehen, berokiak, aterkiak eta jakak, erabakitzen dugun lekuan zintzilikatu behar dira. Liburuak korridoreko altzarian ordenatu behar dira, ikasi beharreko liburuak hartuko dituzue eta ikasi eta gero dagokien lekuan utziko dituzue berriz ere.

5. Telebista ezin da ikusi aurrez etxeko lanak egin ez badira. Etxeko lanak bakoitzak bere gelan egingo ditu. Lanak amaitzerakoan telebista ikusi ahal izango duzue edo lagunen baten etxera joan, nahi baduzue. Arau honek ez du eraginik Carolinarengan, inolako agindurik gabe ere egiten baititu etxerako lanak.

6. Bazkaria.- Eskuak garbitu bazkaldu aurretik. Ez da telebistarik ipiniko bazkarian zehar, oso arrazoi sendo bat ez baldin badago behintzat. Ez da eztabaida sutsurik onartuko, arrazoia izan ala ez izan. Bazkaria amaitu ondoren, hortzak garbitu behar dira. Carolinaren lotsagabekeriak eta Lauraren, Carlosen eta Antoñitaren zentzugabeko garrasiak zigortu egingo ditugu. Ez lurrean, ez eta egongelatxoetan ere ez da inolako gauzarik utziko.

7. Afaria.- Amak afaltzeko deia egiten duenean, berehala etorriko zarete afaltzera, ez protestarik ez eta atzerapenik gabe. Afaria amaitu ondoren, hortzak garbituko dituzue, jantziak antolatuko dituzue eta hurrengo egunean eskolara eraman behar dituzuen liburuak eta materialak ordenatuko dituzue.

Hori egin ondoren ez da protestarik egingo, abestirik kantatuko, argirik piztuko, ezin izango da ohetik irten ez eta bertan eztabaidarik hasi ere.

Ikasturtean zehar ez da telebistarik ikusiko gauez, hurrengo egunean goiz jaiki beharra baitago.

ZIGORRAK

Zigorrak honelakoak izan daitezke: Arinak, Larriak eta Oso Larriak.

Arinak: Egun batez telebista ez ikustea izango da zigorra. Laurari Isabelen etxera joatea debekatuko zaio.

Larriak: Bi egun telebistarik gabe eta ordenagailurik gabe.

Oso Larriak: Hiru egun ez telebistarik ez eta ordenagailurik ere, ostiral-larunbat-igandeak.

ARAUDI HAU PINTATZEA, HONDATZEA EDO PUSKATZEA OSO GOGOR ZIGORTUKO DA

Hemen agertzen ez den edozein hutsegite, araudian barne hartutakoen parekotzat har daiteke.

Gurasoek erabakiko dute hutsegitea Larria/Oso Larria ote den; gauean bilduko dira lasaitasunez erabaki ahal izateko.

Sariak: Dirutan emango dira, larunbatetan, astean zehar zintzo portatu direnentzat.

ALONDREZ – TINEDOTARREN ARAUDIAREN IRUZKINAK

* Dena dago erabakita, non geratu da bat-batekotasuna? Eta irribarreak?

Ala itzalita ote daude?

* Non dago maitasuna? Zoriontasuna ez da dekretu bidez lortzen.

* Denon arteko lankidetza bai, baina hezkuntza-zeregina saihesteko ala bisitarien miresmena lortzeko?

* Gauez biltzen diren gurasoak, "lasaitasunez erabaki ahal izateko"?

* Menpekotasuna da aukera bakarra, ez dago zer negoziatzerik, zigortu bakarrik egiten da, eta gainera haurrek "ez" esan behar izaten dute beren buruaren autoafirmazioa lortzeko eta heldu bihurtu ahal izateko.

* Haurrak aldatu egiten dira, arauak ere bai?

* Arauari eustea pertsona dudatsuen ezaugarria da

* Seme-alaben akatsak, porrota al dira? Ala ikaskuntza-prozesuaren funtsezko zatia?

* Sariak diru-sariak dira eta ez daude gauza jakinei lotuta, "zintzo portatze" orokor eta zehaztugabe bati lotuta baizik.

(Miguel Costa. 1998)

Mugarik ez dagoenean edo hauek zehaztugabeak edo funtsik gabeak direnean.

1. Seme-alabek portaera-desdoikuntzak edo adostasun ezak izan ditzakete. Adibidez, seme oldarkorrei buruzko ikerketetan, gurasoek diziplina-gaietan irmotasunik eza azaldu zuten, zigorrak ez zeuden hutsegiteei argi eta garbi lotuta edo azkenean seme-alaben eskaerak betetzen zituzten.

2. Seme-alabak euren gurasoen eskaerei ez diete jaramonik egiten edo ez daude haiekin ados eta ez dute euren portaeraren erantzukizuna hartzen.

3. Ikaskuntza-giroa derrigorrezkoa da eta ez da orientatzailea.

Mugak seme-alaben segurtasunaren, ongizatearen eta garapenaren arabera ezarri behar dira eta honetara bideratuta egon behar dute:

• Semea min fisikotik babestu (osasun fisikorako arriskuak)

• Seme-alaba eta besteak kalte psikologikotik babestu, elkar errespetatzen ikas dezaten lagunduz bai eta besteen eskubideak, sentimenduak eta ideiak errespetatzen ere ikas dezaten.

• Seme-alaben ikaskuntza eta garapena sustatzea. Ulertu egin behar dute badela une jakin bat gauza bakoitza egiteko: jateko, atseden hartzeko, ikasteko, jolasteko...

Mugak mugatu egin behar ditugu.

• Arauak ez dira egin behar helbururik gabe, gehiegi badira nahastu egin dezakete eta eraginkortasuna galdu".

• "Benetan garrantzia duten mugei erreparatu behar diegu"

Zentzuzko mugak ezarri.

• Seme-alabek arauak bete ahal izan ditzaten.

• Zentzuzkoak ez badira, seme-alabek autoestimu-maila baxua izan dezakete eurengan gauza txarren bat badela pentsatzen baitute, edo helduen aginteaz ez dira fidatzen, edo humore aldakorrez egon daitezke, lur jota edo haserre.

Nola ezarri mugak.

1. Argia eta zehatza izanik. "Garbitu dena" agintzea oso agindu zabala da.

2. Modu positiboan ezarri behar dira. Hobe da hau esatea: "esertzerakoan bizkarra zuzen ipini, zutik" esatea beste honako hau baino: "ez eseri konkordun bat bezala".

3. Irmoa izanik.

4. Iraunkorra izanik. Mutiko bati egun batean labana erabili duelako zigorra ezartzen bazaio, hurrengo egunean labanarekin ibiltzea uzten bazaio eta hurrengoan egin duen txorakeriagatik barre egiten badugu, semeak ez du sekulan jakingo guk zer espero dugun.

5. Seme-alabek ere parte har dezatela mugak ezartzerakoan.

Mugei jaramonik egiten ez bazaie.

• Ez jaramonik egin, ahal den guztietan, kasketei, garrasiei... seme-alaba entzulerik gabe utzi, ez entzunarena egin.

• Jarraibide zehatzak eman, ahal den guztietan araua betetzeko aukera emanez, akordioa goraipatuz edo ez betetzearen ondorioak azalduz.

• Azter itzazu zeure muga propioak.

aurreko - hurrengo

azal - hirusta - sarrera - helburuak - saioak

metodologia - egileak - eranskin - e-mail