Egoitza zerbitzuak
- Egoitzak eta etxeak.
- Egokitzeko arazoak dituzten adingabeen SANSOHETA zentroa.
- Haurdun dauden edota bularreko haurra duten emakumeen zentroa.
Egoitzak eta etxeak
DESKRIBAPENA ETA HELBURUAK
Etxe alternatiboak dira eta beraien helburua honakoa da: hainbat arrazoi dela eta bere behar material, afektibo eta edukatiboak bere familian bertan, aldi batez behintzat, ase ezin dituzten haur eta gazteak artatzea.
Zentro hauen azken helburua adingabeak gizarteratzea da eta bere bizitza normaltzea. Hori neska-mutilei beren haziera pertsonalean lagunduko dien banakako lan bati esker.
Modu integralean landuko dira familiaren arloa, pertsonala, gizartearena eta eskola, eguneroko bizitzaren pedagogia erabiliz.
ONURADUNAK
Zerbitzu hauetaz baliatu nahi dutenek honako ezaugarriak izan beharko dituzte:
- Adingabeen Kontseiluak beren legezko tutoretza eskuratu izana edo bere tutore zein gurasoek aipatutako organoari bere zaintza aldi batez hartzeko eskatu izana.
- 3 eta 18 urte bitartean izatea.
- Araban bizitzea edo aldi baterako bertan egotea.
- Haurren Orientazio eta Baloraziorako Batzordearen aldeko txostena.
ARAUAK
- 469/85 Foru Dekretua, azaroaren 5ekoa. Horren bidez Adingabeen Kontseilua sortzen da eta bere osaera ezartzen da.
1985eko azaroaren 15eko AAO, 131 zk. - 564/85 Foru Dekretua, azaroaren 12koa, Diputatuen Kontseiluarena. Horren bidez Adingabeen Kontseiluaren jardunerako arauak onartu eta bertako bokalak izendatzen dira.
1985eko azaroaren 18ko AAO, 132 zk. - Azaroaren 11ko 21/87 Legea. Lege honek Kode Zibilaren eta Prozedura Zibileko Legearen zenbait artikulu aldatu zituen, adopzioaren ingurukoak.
1987ko azaroaren 17ko BOE, 275 zk. - Urtarrilaren 15eko 1/1.996 Lege Organikoa, Adingabeen Babes Juridikoari buruzkoa, Kode Zibilaren eta Prozedura Zibileko Legearen Zati Bat Aldatzekoa.
1996ko urtarrilaren 17ko BOE, 15 zk. - Gizarte Ongizaterako Sailaren eta familia egoera egokirik ez duten adingabeen egoitza artapenerako Nuevo Futuro elkartearen arteko lankidetza hitzarmena.
Sinadura: 00/05/31.
SANSOHETA. Egokitzeko zailtasuna duten adingabeen zentroa
DESKRIBAPENA ETA HELBURUAK
Zentro honetan egoitza zerbitzua zein egunekoa ematen dira. 12 eta 18 urte bitarteko adingabeei zuzenduta dago, horien arriskuzko egoera sozio-familiarrek laguntza eta edukazio beharrak sortarazi dituztenean; eta, baita ere, desegituratze pertsonala, eta jokaera trastornoak sortu dituztenean, gizarte ingurunean integratzea oztopatzeraino.
Bere helburu nagusia gazteen marginalizazioa ebitatzea da, hezkuntza egitasmo baten bitartez gizarteratzearen ondorioetan zuzenki eraginez. Egitasmo horrek giza-garapen oso baterako landu beharreko arlo guztiak barne hartzen ditu.
ONURADUNAK
12 eta 18 urte bitarteko adingabeak, babesgabeko egoeran daudenak -tutoretza edo zaintza erregimenean- eta beren ezaugarrien arabera Haurren Balorazio eta Orientaziorako Batzordeak proposatutakoak.
ARAUAK
- 469/85 Foru Dekretua, azaroaren 5ekoa. Horren bidez Adingabeen Kontseilua sortzen da eta bere osaera ezartzen da.
1985eko azaroaren 15eko AAO, 131 zk. - 564/85 Foru Dekretua, azaroaren 12koa, Diputatuen Kontseiluarena. Horren bidez Adingabeen Kontseiluaren jardunerako arauak onartu eta bertako bokalak izendatzen dira.
1985eko azaroaren 18ko AAO, 132 zk. - Azaroaren 11ko 21/87 Legea. Lege honek Kode Zibilaren eta Prozedura Zibileko Legearen zenbait artikulu aldatu zituen, adopzioaren ingurukoak.
1987ko azaroaren 17ko BOE, 275 zk. - Urtarrilaren 15eko 1/1996 Lege Organikoa, Adingabeen Babes Juridikoari buruzkoa, Kode Zibilaren eta Prozedura Zibileko Legearen Zati Bat Aldatzekoa.
1996ko urtarrilaren 17ko BOE, 15 zk. - Sansoheta gizarte-hezkuntza etxearen kudeaketaren esleipena IZAN elkarteari.
Sinadura: 98/12/31
Haurdun dauden edota bularreko haurra duten emakumeen zentroa
DESKRIBAPENA ETA HELBURUAK
Haurdun dauden emakumeen zentroa, emakume eta nerabe haurdunei (edota bularreko haurrak dituztenei) harrera, laguntza eta heziketarako artapena eskaintzen dien baliabidea da, emakume edo nerabe horien egoeragatik familiaren zein gizartearen laguntzarik gabe aurkitzen direnean.
Honakoak ditu helburutzat:
- Etxebizitza eta mantenurako oinarrizko beharrak asetzea.
- Ama izango dena amatasunari aurre egiteko emozionalki prestatzea.
- Jatorrizko familiarekiko harremanaren jarraipena sustatzea.
- Heziketarako gune bat ematea, emakumea gizarte sare normaletan integratzeko.
- Zerbitzu mediko eta psikologikoak ematea, lege aholkularitza eta familia plangintzarekin batera.
ONURADUNAK
- Haurdun dauden edota bularreko haurrak dituzten emakumeak.
- Adin mugarik gabe.
- Inolako baliabiderik ez izatea.
- Arrisku larriko egoeran.
- Haurdun daudela ezkutatu nahi dutenak.
KUDEAKETA
Haurdun dauden emakumeei artapen zerbitzu bat emateko lankidetza hitzarmena, Gizarte Ongizate Sailaren eta Hermanas Oblatas del Santísimo Redentor komunitate erlijiosoaren artean.
Sinadura: 00/04/07
